من طرف 
احلى قصة مسطول لاقتني في حيااتي>>خشو وماحتندموا
بسم الله الرحمن الرحيم
في البداية لما كنت نطفه كنت قايل روحي إني من كريات الدم البيضاء!!!!
ماعرفت إني من بني البشر إلا لما قالت الدكتورة لأمي مبروك يا مدام إنتي
حامل أمي طبعا من الفرحة ختت ايدها على بطنها في المكان الأنا موجود فيه
.. عرفت إني المقصود وفهمت إني مشروع بني آدم!! -بيني وبينكم أتضايقت ..
قلت مالي وم...ال وجع الراس أطلع لعالم تاني وأبقى إنسان وفي حساب وعقاب
وقراية ودرس عصر.. همس لي عقلي قال أحمِد ربك حتطلع ويبقى عندك إيميل ،
وماسنجر ، وبعدين تشترك في منتديات, وتخش مدرسة وجامعة وتجكس والحاجات
دي.. قلت في بالي لا كان كده ما مشكلة!!!! الفرحة طبعا قربت تشرطني و قلت
خلاص أطلع هسا قال لي بدري لسه باقي تسعة شهور (غايتو جنس احباط ) -ولما
بقى عمري خمسة شهور بقيت أقطع من الشعيرات الدموية وأقول ياربى غلام ..
فتاه.. صبي.. صبيه.. ولد.. بنت قعدت أمصمص صباع كراعي الكبير لحدي ما
نمت.. -أثناء ماانا نايم أمي الله يهديها شربت مويا بكميات كبيره على غير
العادة صحتني من نومي, بس والله انبسطت قعدت ألعب بالمويا بكرعيني وكنت
داير أسبح بس قلت ما فى داعى خفت ابل شعري ساي!!! -لما جاء الشهر السابع
مشت أمي ومعاها أبوي للدكتورة عشان تتطمن على صحتها.. الدكتورة ختت جهاز
على بطن أمي وبدت تحرك يمين يسار فوق تحت وهم شايفني على الشاشة.. بقيت
أنا بعد داك أتدلع وأحرك كرعيني وأفتح عيوني وأغمضها وأمص صباعي وأوزع
ابتسامات والحاجات بتاعة الشفع دي.. لحدي ما الدكتورة شالت الجهاز وانقطعت
عن الرؤية... وأنا أقول أحسن زاتو, تقول عمرهم ماشافوا ليهم شافع.. -أمي
بعد داك سألت الدكتورة متين موعد الولادة قالت ليها لسه باقي شهرين.. سمعت
الخبر وجاني انهيار عصبي شهرين يامفتريه خلاص أنا طفشت أنكتمت الجو حار
هنا ومضلم قلت يا زول احسن نلوك الصبر بعد ده مابصبرنا غير النوم ونمت
شهرين ( نومه أهل الكهف).. -صحيت من النوم وحسيت بملل وفراغ قاتل حاولت
أرفّه عن نفسي وبقيت ألعب لعبة نط الحبل باستخدام الحبل السري!!!!! وبقيت
أنطط وأغني قمر شمس نجوم كواكب هواء واحد اثنين ثلاثة هيييييييييييييييه
-وفجأة من قوة التنطيط بتاعي اتزلقت وانقلبت, بقى راسي تحت وكرعيني فوق
قامت أمي قعدت تكورك.. ساقها أبوي على طول لأقرب مستشفى الدكتور قال دي
ولادة, لما سمعت الخبر فرحت شديد وقلت أخيرا حنطلع من الكتمة دي.. -وبديت
أقشر وارتب حالي استعدادا للقاء الأول مع صديقتي بالحضانة.. -وأمي كل شوية
تتعالى صرخاتها ختوها فوق السرير سايقنها لغرفة الولادة وأبوي ماشي
جنبها.. وشابكها ماتخافي أنا معاكي وهي ترد ليهو خايفة أموت وانأ بولد ,
أبوي رد عليها والدموع تنهمر من عينيه ما تقولي كده إن شاء الله يومي قبل
يومك وأنا قاعد أقول ماوصلنا غرفة الولادة لسه؟؟؟ لاحول!! إنكتمنا يا عالم
انكتمنا باهوه هوّوووووووونا -طبعاً ختو أمي في السرير الموجود بالغرفة
وجاء الدكتور ومعاه النيرسات.. الدكتور قال لأمي زفيييييييييير أمي من
الخلعة فهمتها عكس أدتها شهييييييييييق وبقيت انا بتشفط وأخش جوّووا ضربت
أمي بكوعي.. قلت ليها قال ليك زفير زفير- الظاهر أمي سمعتني وزفرت زفرة
ودفرتني شديييييد وأنا طلعت سرعتي 180 ميغابايت.. وطلع كل شي فيني إلا
نخرتي قلت لاحولا أهو ده الانا كنت خايف منه!!!! الدكتور استدعى الطاقم
الطبي عشان يطلعو نخرتي حاولوا المرة الأولى والثانية مانفع وبعد ثالث
محاوله طلعوها (الثالثة ثابتة..) قعدت أبكي واصرخ بعداك -بعد داك شالتني
النيرس ولفتني بذاك البشكير الأبيض.. ياسلاااااااام وأخيرا" انتهت معاناتي
.. ما عارف إنو المعاناة يادووب بدأت .
ههههههههههههههههههههههههههههههههههههههههههه
رايكم شنو؟؟
اتمنى تكون عجبتكم
