من طرف اخيرا اسدل الستار علي كاس العالم " الحلم " وحنرجع لدورينا وهلال مريخ " الكابوس " وبعد ما استمتعنا بابداعات تشافي وفيا وروبن وشنايدر و روبينهو و فورلان و كاسياس حنتمغص بي طمبل واحمد عادل و الزومة وبلة و المعز محجوب
سؤال اجابتو قاسية هل يمكن انو كورتنا تبقي زي كورة الجماعه ديل في يوم من الايام وهل ممكن الطاهر مهند الطاهر يلعب ضد ولد ديفيد بيكهام في كاس العالم ؟؟؟؟
شخصيا ما اعتقد لانو بيننا وبين الدول البتلعب كورة كمية من السنين الضوئية في كل مجالات الكورة من تدريب لي لعيبة لي ملاعب مجهزة وحديثة لي جماهير واعية لي حكومات بتقدر قيمة الرياضة في حياة المجتمع وزي ما سمعنا وشفنا كيف دولة زي جنوب افريقيا من اكبر الدول في معدلات الجريمة و التفرقة العنصرية فيها مستشرية وقفت صف واحد ابيض واسود وكيف الدولة البتسمي شعبها باسم امة قوس قزح نسبة لكثرة الوان شعبها حولت الشعب الي لوحة جميلة في استادات جنوب افريقيا وعكست وجه جميل عن جنوب افريقيا و افريقيا ككل
شاب سوداني متفائل اول ما بدوا يبنوا المدينة الرياضية قال اخيرا ولدي حيلعب في ميدان عالمي مع انو كان ما متزوج من اساسو ووحاتكم انتو ولدو هسع داير يعرس ولي الليلة المدينة واقفه صنم لكن احتمال ولد ولدو يلعب فيها
مبروك الاسبان فازوا بالفكة غايتو وناس المانيا البغلبوا كتير طاروا منها والهولنديين ما يستاهلوا الهزيمة
العواطلية الايام دي الا يشتغلوا بروفات لي رمضان لانو كاس العالم كان برنامج لكن خسارة انتهي في شباب من حلتنا امس بكوا بعد الكورة اكتر من كاسياس سالتهم انتو بتشجعوا منو قالوا لي ما فارق معانا الشال الكاس منو المهم نحن نعمل شنو بعد ده هههههههههههههههههههههه
