من طرف قال حكيم المشوكش الدولى :
ومن الشواكيش ما قتل
طبعا دى ما مقولتى انا وكلو زول مسؤول من الكلام البقولو والشواكيش قسمت الى انواع:
1- شاكوش بارد ودا الانت بتكون بتفتش ليهو وهو بفتش ليك لحدى ما تتطاقشو وفى الحاله دى مابكون فى اى ضرر بالنسبه ليك وما دخلنا للجهه التانيه والاصلا هى بكون سبب للشاكوش الرئيسى ومن مخلافته صداع بسيط ودا عادى لانو برضو العلاقه فى يوم من الايام كانت حلوه
2- شاكوش دافئ ودا كمان بخليك مجهجه ما عارف نفسك انت شايت وين يعنى بين بين ولحدى ما تلملم اطرافك بتكون انت فى الشارع اى من ناحيه تانيه ممكن نسميهو شاكوش متفق عليه من الطرفين وبرضو فى احتمال تلقط ورق
3- الشاكوش الحار ودا الما بندار ودا البودى المصحه ومرات البودى المقابر عديل كده ودا الانت بتكون بانى مستقبلك وكل آمالك عليهو وبتكون بتحضر لليوم البغنوا ليك فيهو يا عديله يا بيضاء ويا ملايكه سيرى معاهو ويجى مغترب مفتح ويعمل ليك سايرين ويخليك لافى صينيه
